اسلام آباد(این این آئی)یورپی یونین نے پاکستان کے سیلاب زدگان کیلئے 10لاکھ یورو کی نئی امداد کا اعلان کیا ہے۔
یہ امداد حالیہ مون سون بارشوں سے متاثرہ لوگوں کی مدد کیلئے دی گئی ہے۔
اس حوالے سے یورپی یونین کے کمشنر برائے کرائسز منیجمنٹ جینز لینارسک نے کہاکہ ہم پاکستان میں مون سون کے سیلاب سے نمٹنے کیلئے 1ملین یورو برائے انسانی امداد جاری کر رہے ہیں۔
انہوں نے کہاکہ اس سیلاب نے ملک کے کچھ حصوں میں ایک بار پھر ہزاروں افراد کو بے گھر کر دیا ہے،پاکستان میں تاریخی سیلاب کے ایک سال بعد یورپی یونین انتہائی کمزور کمیونٹیز کی مدد کے لیے پرعزم ہے ۔
یاد رہے کہ یورپی یونین نے گذشتہ سال بھی پاکستان کی تاریخ کے بدترین سیلاب کے متاثرین کی امداد کیلئے انسانی بنیادوں پر 16.5ملین یورو فراہم کئے تھے۔
