پاکستانی مداحوں سے بڑا پیار ہے، عبدو روزک

ممبئی (این این آئی)دنیا کے سب سے چھوٹے قد کے گلوکار ،بھارتی رئیلٹی شو بگ باس سے شہرت پانے والے عبدو روزک نے کہا ہے کہ مجھے اپنے پاکستانی مداحوں سے بڑا پیار ہے، ان شا اللہ میں پاکستان کا دورہ بھی کروں گا۔

عبدو روزِک نے نجی ٹی وی کو انٹرویو دیتے ہوئے کہا کہ میں پہلی بار کینیڈا آیا ہوں اور اپنی 20ویں سالگرہ یہاں منا رہا ہوں۔

انہوں نے کہا کہ مجھے کینیڈا بہت پسند آیا ہے اور یہاں کے لوگ بہت اچھے لگے ہیں۔چھوٹا بھائی جان کے نام سے مشہور عبدو نے پاکستانی مداحوں کے بارے میں کہا ہے کہ مجھے آپ لوگوں سے بڑا پیار ہے، مجھے آپ ہمیشہ سپورٹ کرتے ہیں، آپ کا شکریہ، اللہ آپ پر رحمتیں نازل فرمائے۔