کراچی (این این آئی) اداکار، ہدایتکار ،پروڈیوسر عبد اللہ کادوانی نے تیرے بن اور خدا اور محبت کے سیکوئلز سے بارے سوال کرنیوالے سوشل میڈیا صارفین کو کشمکش میں مبتلا کر دیا۔
انسٹا گرام پر پروڈیوسر نے اپنی سیاہ لباس میں ایک تصویر شیئر کی تاہم اس کے کیپشن نے سوشل میڈیا صارفین کی توجہ اپنی جانب مبذول کروا لی اور انہیں مشکل میں ڈال دیا۔
عبد اللہ کادوانی نے پوسٹ میں صارفین سے سوال کیا ہے کہ پیارے مداح اور ناظرین!براہِ مہربانی ہمیں یہ بتائیں کہ آپ لوگ پہلے کیا دیکھنا پسند کریں گے؟ خدا اور محبت سیزن 4یا تیرے بن سیزن 2؟۔انہوں نے ساتھی پروڈیوسر اسد قریشی کو ٹیگ کرتے ہوئے مزید لکھا ہے کہ آپ کی ترجیحات اہمیت کی حامل ہیں، انشا اللہ ہم جلد ہی اس حوالے سے اعلان کریں گے۔
