ممبئی (این این آئی) بھارتی اداکارہ پریانکا چوپڑا نے اداکارہ پرینیتی چوپڑا کیلئے نئی زندگی کے آغاز پر نیک خواہشات کا اظہار کیا ہے۔
پریانکا چوپڑا نے انسٹا گرام پر اپنی کزن اداکارہ پرینیتی چوپڑا اور بھارتی سیاست دان راگھو چڈھا کی شادی کی تقریب کی کچھ خوبصورت تصاویر شیئر کی ہیں۔
انہوں نے یہ تصاویر شئیر کرتے ہوئے لکھا ہے کہ میری طرف سے اس نوبیاہتا جوڑی کو ان کی زندگی کے خاص دن پر بہت سارا پیار اور راگھو چڈھا کو چوپڑا فیملی میں خوش آمدید۔پریانکا چوپڑا نے راگھو چڈھا سے مخاطب ہوتے ہوئے مزاحیہ انداز میں لکھا ہے کہ مجھے امید ہے کہ آپ ہم دیوانوں کے ساتھ دیوانے ہونے کے لیے تیار ہیں۔
انہوں نے اپنی نیک خواہشات کا اظہار کرتے ہوئے لکھا ہے کہ تیشا آپ سب سے خوبصورت دلہن ہو۔پریانکا چوپڑا نے اپنی پوسٹ کے آخر میں نوبیاہتا جوڑی سے مخاطب ہوتے ہوئے لکھا ہے کہ ایک دوسرے کا خیال رکھیں اور اس خوبصورت محبت کی حفاظت کریں۔
