لاہور( این این آئی)نامور اداکار اور پروڈیوسر سعود نے دعوی کیا ہے کہ مجھے بھارتی فلم انڈسٹری سے اب بھی فلموں کی پیشکش ہوتی ہے،میرا فلمیں کرنے کا ارادہ ہے اور میں ایسی فلمیں کر سکتا ہوں جیسی دوسرے تمام اداکار کر رہے ہیں۔
ایک انٹر ویو میں انہوں نے کہا کہ بڑی حیرانگی کی بات ہے کہ مجھے پڑوسی ملک سے تین فلموں کی پیشکش آئیں بلکہ جس کردار کے لئے مجھے پیشکش دی گئی اسی کردار کے لئے علی خان سے بھی رابطہ کیا گیا اور یہ پیشکش بھی بالی ووڈ کے ایک ہدایتکار کی جانب سے آئیں۔
انہوں نے بتایا کہ ابھی حال ہی میں میں نے اور علی خان نے ایک فلم شوٹ کی ہے جس کا نام ہم سب ہے ، بہت اچھی فلم ہے اور جلد ہی ریلیز ہوگی۔انہوں نے کہا کہ مجھے بھارت سے کئی بار پیشکش آئی ہیںلیکن پاکستان سے کوئی پیشکش نہیں آئی ۔
