نوازشریف کی واپسی پرسکیورٹی خدشات ہیں، گرفتاری کے حوالے سے نہیں، رانا ثناء اللہ

اسلام آباد (این این آئی)مسلم لیگ (ن )کے رہنما اور سابق وزیر داخلہ رانا ثنا اللہ نے کہا ہے کہ نوازشریف کی واپسی پرسکیورٹی خدشات ہیں، تاہم گرفتاری کے حوالے سے خدشات نہیں۔ایک انٹرویو میں سابق وزیر داخلہ رانا ثنا اللہ نے کہا کہ جوپارٹی پنجاب میں100سے زیادہ سیٹیں لیتی ہے وفاق میں حکومت بناتی ہے،پنجاب کی100سے زیادہ قومی اسمبلی کی سیٹیں جیتیں گے، یعنی65فیصد پنجاب ہم جیتیں گے۔انہوںنے کہاکہ شاہدخاقان،مفتاح اسماعیل،مصطفی نوازکھوکھراہمیت کے حامل ہیں،تینوں افرادپارٹی بنانے کافیصلہ کریں گے توخود کوضائع کرلیں گے۔ انہوںنے کہاکہ نہیں لگتاکہ کوئی پارٹی بنائیں گے تواس کو مقبولیت ملے گی، شاہد خاقان اور مفتاح اسماعیل کیلئے دوستانہ مشورہ ہے کہ پارٹی میں رہیں ورنہ ضائع ہوجائیں گے۔سابق وزیر داخلہ نے کہا کہ پارٹی میں اکثریت کی یہ رائے ہے کہ امید کا پیغام دیں، اکثریت سمجھتی ہے کہ احتساب کے نعرے پِٹ چکے ہیں،کچھ لوگوں کاخیال ہے احتساب،سستیانصاف کانعرہ لگناچاہیے، تاہم نوازشریف کی واپسی پرسکیورٹی خدشات ہیں، تاہم گرفتاری کے حوالے سے خدشات نہیں۔رانا ثنا اللہ نے کہا کہ نگراں وزیر داخلہ کا بیان سیاق و سباق سے ہٹ کر چلایا گیا، سرفراز بگٹی کی وضاحت سے مطمئن ہوں۔