اے این پی نے حلقہ بندیوں میں ردوبدل مستردکردیا

پشاور: عوامی نیشنل پارٹی (اے این پی) نے حلقہ بندیوں میں میں ردو بدل مسترد کرتے ہوئے عدالت سے رجوع کرنے کااعلان کردیا۔
اے این پی کے صوبائی صدرایمل ولی خان نے اپنے ایک بیان میں کہا ہے کہ خیبرپختونخوا کی آبادی ارادتاً کم ظاہر کی گئی ہے جو کسی بھی صورت قابل قبول نہیں۔ انہوں نے کہا کہ حلقہ بندیوں میں غیر ضروری ردوبدل کی وجہ سے پورے سیاسی عمل پر منفی اثر پڑ رہا ہے ۔ آبادی کے تناسب سے قومی اسمبلی کی چھ نشستیں کم کرنا زیادتی اور ناانصافی ہے۔
ایمل ولی کاکہناتھا کہ خیبرپختونخوا کے لاکھوں لوگ دہشتگردی کی وجہ سے دیگر صوبوں میں مقیم ہیں، مردم شماری میں انہیں نظرانداز کیا گیا۔
دہشتگردی سے متاثرہ صوبے کے ساتھ سوتیلاسلوک برداشت نہیں کریں گے ۔عوامی نیشنل پارٹی دیگر سیاسی جماعتوں کے ساتھ بہت جلد رابطہ کرکے لائحہ عمل کا اعلان کرے گی۔