میلادکے جلوس پرپابندی مودی حکومت کی فسطائیت ہے، حریت کانفرنس

اسلام آباد : کل جماعتی حریت کانفرنس نے مقبوضہ کشمیرمیں عیدمیلادالنبی ؐ کے جلوس پرپابندی کو مودی حکومت کی فسطائیت قراردے دیا۔
کل جماعتی حریت کانفرنس کی آزاد جموں وکشمیر شاخ کے کنوینر محمود احمد ساغر نے مودی حکومت کی جانب سے سری نگر کے لال چوک سے عید میلاد النبی ﷺ کا مرکزی جلوس نکالنے پر پابندی کی شدید مذمت کی ہے۔
محمودساغرکاکہنا تھاکہ بھارت مقبوضہ جموں و کشمیر میں بین الاقوامی قانون کی مسلسل خلاف ورزی کر رہا ہے۔ حریت رہنمائوں، انسانی حقوق کے کارکنوں اور صحافیوں سمیت عام لوگوں کے گھروں پر بھارتی فورسز اور تحقیقاتی اداروں کے چھاپوں اور مکینوں کو ہراساں کرناقابل مذمت ہے۔انہوں نے کہاکہ اس طرح کے اوچھے ہتھکنڈوں سے کشمیریوں کے جذبہ حریت کو کمزور نہیں کیاجاسکتا۔