امریکا کی ریاست نیویارک میں طوفانی بارشوں کا سلسلہ جاری ہے جس کی وجہ سے نظام زندگی درہم برہم ہو کر رہ گیا ہے۔
غیر ملکی میڈیا رپورٹس کے مطابق نیویارک میں مسلسل 5 روز سے طوفانی بارشیں ہو رہی ہیں جس کی وجہ سے کئی علاقے زیر آب آ گئے ہیں، سڑکیں ندی نالوں کا منظر پیش کر رہی ہیں۔
طوفانی بارشوں کی وجہ سے فلائٹ آپریشن معطل ہو کر رہ گیا ہے جس کے باعث ہزاروں مسافر ایئرپورٹس پر پھنس گئے ہیں، زیر زمین ٹرین سروس بھی روک دی گئی ہے۔
میڈیا کا بتانا ہے کہ نیویارک کے جان ایف کینیڈی ائیرپورٹ پر 3 انچ سے بھی زیادہ پانی بھر گیا ہے۔
حکام کی جانب سے صورت حال کو دیکھتے ہوئے ایمرجنسی نافذ کر دی گئی ہے جس کی وجہ سے نظام زندگی مفلوج ہو کر رہ گیا ہے۔
