بھارت میں ایک حیران کن واقعہ پیش آیا ہے کہ پیٹ کے درد کا شکار شخص کے معدے سے آپریشن کر کے 150 سے زیادہ گھریلو اشیا نکالی گئی ہیں۔
بھارتی میڈیا کے مطابق ریاست پنجاب کے شہر موگا کے مقامی ہسپتال میں ایک شخص کو لایا گیا تو چیک اپ کے دوران یہ انکشاف ہوا کہ اس کے معدے میں گھریلو استعمال کی اشیا موجود ہیں۔
ڈاکٹروں نے اس شخص کا 3 گھنٹے کا طویل آپریشن کیا اور معدے سے تمام اشیا نکال دیں۔
بھارتی شہری کے معدے سے نکالی جانے والی اشیا میں ایئر فون، بٹن، نٹ، سیفٹی پن اور دیگر اشیا شامل ہیں۔ یہ شخص ایک ماہ سے بیمار تھا۔
آپریشن کے بعد متاثرہ شخص کو طبی امداد دی جا رہی تھی مگر وہ جانبر نہ ہو سکا اور چل بسا۔ مرنے والے شخص کے گھر والے حیرانی کا اظہار کر رہے ہیں کہ اس نے یہ اشیا کب اور کیسے نگلیں۔
