میکسیکومیں فٹبال میچ کے دوران اس وقت انتہائی دلچسپ صورت حال پیدا ہوگئی جب ایک کتا گراؤنڈ میں گھس آیا۔
کتے کے گراؤنڈ میں گھس آنے کی ویڈیو سوشل میڈیا پر بھی خاصی وائرل ہو رہی ہے ۔ یہ دلچسپ واقعہ اس وقت پیش آیا جب میچ کے دوران ایک کتا گراؤنڈ میں آگیا اورجیسے ہی گول کیپرنے فٹبال پھینکا تو کتا اسے دبوچ کربھاگ نکلا ۔ سکیورٹی آفیشلزنے کتے کو پکڑنے کی کوشش کی مگروہ ناکام رہے بالآخر ایک کھلاڑی نے کتے کو پکڑ کر فٹبال واپس لیا جس کے بعد کھیل دوبارہ شروع ہوا۔
