لاہور( این این آئی) اپنے آغاز سے ہی مبینہ کرپشن اور تنازعات کی زد میں رہنے والے راولپنڈی رنگ روڈ منصوبے کا بالآخر آغاز کردیا گیا۔ترکش کمپنی کے ساتھ مشاورت کے بعد بانٹھ موڑ سے ٹھلیاں تک پہلے حصے کی تعمیر شروع کردی گئی۔
منصوبے سے جڑواں شہروں میں ٹریفک کا دبا ئوکم اور بڑی گاڑیوں کی آمد و رفت میں کمی ہوگی۔رپورٹ کے مطابق ہیوی ٹرانسپورٹ کے اڈے، سبزی، فروٹ اور غلہ منڈیاں بھی شہر سے باہر منتقل کی جائیں گی۔
رنگ روڈ کے اطراف انڈسٹریل زونز بھی تعمیر ہوں گے۔کمشنرراولپنڈی لیاقت علی چٹھہ کے مطابق پہلا حصہ 38 کلومیٹر طویل ہے اس کے اوپر 5انٹر چینجز ،9 پل ہیں،12 کلو میٹر کا ایریا بالکل کلیئرہے جس پر مکمل طور پر کام شروع ہو چکا ہے۔
پشاور اور لاہور سے آنے والی ٹریفک راولپنڈی کو بائی پاس کرے گی جس سے فیول، وقت کی بچت اور پنڈی اسلام آبادکی سکیورٹی بھی بہتر ہو جائے گی۔
کمشنر راولپنڈی کے مطابق رنگ روڈ کا دوسرا حصہ بھی اتنا ہی طویل ہو گا جس کے لئیدو الائنمنٹس زیر غور ہیں،مناسب روٹ کے لئے بین الاقوامی فرم سے کنسلٹنٹی حاصل کی جا رہی ہے۔
