لاہور( این این آئی) نامور اداکار عدنان شاہ ٹیپو نے کہا ہے کہ موجودہ دور کی سب سے بہترین ہیروئن سجل علی کو مانتا ہوں جبکہ عمران اشرف کا شمار خطرناک اداکاروں میں ہوتا ہے۔
اپنے ایک انٹرویو میں انہوں نے کہا کہ میں نے لالی ووڈ، ہالی ووڈ اور بالی ووڈ میں کام کیا ہے اور میں خوش قسمت ہوں جس نے تینوں جگہ اپنے فن کی صلاحیتوں کو منوایا ہے۔
انہوں نے کہا کہ بالی ووڈ میں جو پروفیشنل ازم ہیں اس کا کوئی جواب نہیں، وہ لوگ اپنے کام میں انتہائی سنجیدہ ہیں، وہاں ہر کام سلیقے سے ہوتا ہے۔
انہوں نے کہا کہ میری زندگی میں میری اہلیہ اور بیٹیوں کا بڑا اہم کردار رہا ہے جن کی وجہ سے میں نے زندگی کے ہر میدان میں کامیابیاں سمیٹی ہیں، میں ان کے کردار کو کبھی فراموش نہیں کر سکتا۔
