بغداد(این این آئی)عراقی صوبہ نینوی کے قصبے الحمدانیہ میں ایک شادی ہال میں لگنے والی تباہ کن آگ کے چوتھے دن ہلاکتوں کی تعداد میں اضافہ ہوا ہے۔
غیرملکی خبررساں ادارے کے مطابق نینوی کے محکمہ صحت نے اعلان کیا کہ آگ سے مرنے والوں کی تعداد 104 ہو گئی ہے۔
جبکہ محکمہ کے ڈائریکٹر جنرل منصور معروف منصور نے واقعے کو بڑا سانحہ قرار دیا۔
انہوں نے تصدیق کی کہ ہال میں ایک ہزار سے زائد افراد جن میں تمام خواتین، بزرگ اور بچوں پر مشتمل خاندان شامل تھے، ہال میں موجود تھے، جس میں شادی کے ایک گھنٹے بعد آگ لگ گئی۔
