شہریوں نے پیٹرول کی قیمت میں مزید کمی کا مطالبہ کردیا

اسلامم آباد (این این آئی)شہریوں نے پیٹرول کی قیمت مزید کم کرنے کا مطالبہ کر دیا ہے۔ وفاقی دارالحکومت اسلام آباد کے شہری شجاعت حسین ، محمد وقاص ، زبیرحنان ، محمد رمضان ، احسن خان و دیگر نے گفتگو کرتے ہوئے کہاکہ 26 روپے بڑھا کر 8 روپے کم کرنے کا کوئی فائدہ نہیں،اس سے مہنگائی میں کوئی کمی نہیں آ ئے گی۔

انہوں نے مطالبہ کیا کہ پٹرول کی فی لیٹر قیمت دو سے بھی کم ہونی چاہیے ۔

یاد رہے کہ حکومت کی جانب سے پیٹرول کی فی لیٹر قیمت میں 8 روپے کمی کر دی گئی۔ پیٹرول کی نئی قیمت 323 روپے 38 پیسے فی لیٹر مقرر کی گئی جبکہ ڈیزل کی قیمت بھی 11 روپے لیٹر کم کر دی گئی۔

نئی قیمت 318 روپے 18 پیسے فی لیٹر ہوگئی ہے۔ذرائع کے مطابق پیٹرول پر 60 روپے اور ڈیزل پر 50 روپے فی لیٹر لیوی برقرار رکھی گئی ہے۔