پاکستانی ٹیم مشکلات میں ہے، ایک دو میچ اوپر نیچے ہوئے تو پریشر آ جائے گا، مصباح

کراچی: قومی کرکٹ ٹیم کے سابق کپتان مصباح الحق نے کہا ہے کہ پاکستان ٹیم مشکلات میں ہے، ایشیا کپ میں بھارت کے خلاف میچ میں ہارنے کے بعد مسائل پیدا ہوئے۔
میڈیا سے گفتگو میں مصباح الحق نے کہا کہ قومی ٹیم کو واپس جیت کے ٹریک پرآنے کیلئے اسپیشل پرفارمنس دینا ہوگی، بھارت کے خلاف میچ سے قبل دو میچز کافی اہم ہیں ۔ سابق کپتان نے کہا کہ نیدر لینڈز اور سری لنکا سے میچز میں اچھا پرفارم کرنا ضروری ہے، اگر 2 میچز میں اوپر نیچے ہوا تو پریشر آجائے گا۔
انہوں نے کہاکہ ہر ٹیم کا اپنا کھیلنے کا طریقہ ہوتا ہے، اگر بورڈ پر 350 ہے تو میچ جیتنا بنتا ہے۔مصباح الحق نے کہا کہ فخر کا آئوٹ آف فارم ہونا پریشانی کی بات ہے،انہیں پریشر سے باہر نکلنا ہوگا، وہ اچھی کنڈیشن میں پاکستان کیلیے بڑا اسکور کرسکتا ہے۔
سعود شکیل نے کافی زبردست کھیلا تھا۔انہوں نے کہاکہ سینٹرل کنٹریکٹ پر میرے بھی کچھ تحفظات ہیں، یہ سلیکشن کمیٹی اور مینجمنٹ کا فیصلہ ہے،اہم ممبران کو سینٹرل کنٹریکٹ کی ٹاپ کیٹیگری میں ہونا چاہیے۔