حضرت یوسف کے مزار میں داخل ہونے والے یہودیوں پرپتھربرس پڑے

تل ابیب(این این آئی)اسرائیل کے مغربی کنارے پر واقع شہر نابلس میں حضرت یوسف علیہ السّلام کے مبینہ مقبرے میں داخل ہونے کی کوشش کرنے والے 5 یہودیوں پر پتھر برس پڑے۔
غیرملکی خبررساں ادارے کے مطابق مذکورہ یہودی حضرت یوسف علیہ السّلام کے مبینہ مقبرے میں غیر قانونی طور پر داخل ہوئے تو مشتعل ہجوم نے ان پر حملہ کردیا، جس کے بعد فلسطینی اتھارٹی کی پولیس کو انہیں بچا کر نکالنا پڑا۔ حضرت یوسف علیہ السلام کا یہ مبینہ مقبرہ فلسطینی اتھارٹی کے زیر کنٹرول علاقے میں واقع ہے، جو اسرائیلی شہریوں کی حد سے دور ہے۔
اسرائیلی باقاعدگی سے فوج کی مدد سے حضرت یوسف علیہ السلام کے اس مبینہ مقبرے میں داخل ہونے کی کوشش کرتے رہتے ہیں۔ لیکن پیر کو داخل ہونے کی کوشش بنا کسی فوجی مدد کے ہوئی تھی۔