افغان مہاجرین نے رواں سال کیاجرائم کئے؟ تفصیلات آگئیں

پشاور(این این آئی)خیبرپختونخوا میں رواں سال افغان مہاجرین کے جرائم کی تفصیلات سامنے آگئیں۔
سرکاری دستاویز کے مطابق خیبر پختونخوا میں رواں سال597افغان مہاجرین پاکستانی شناختی کارڈ بنانے کی کوشش میں گرفتار ہوئے، 6لاکھ 48ہزار 968افغان مہاجرین کے پاس پی او آر کارڈ ہیں۔دستاویز میں یہ بات سامنے آئی ہے کہ ملک بھر میں 8لاکھ 40ہزار جبکہ پورے خیبر پختونخوا میں 3لاکھ 70ہزار افغان مہاجرین کے پاس افغان شہریت کے کارڈ ہیں۔
دستاویز کے مطابق امارات اسلامی حکومت قیام کے بعد افغان مہاجرین کی آمد میں اضافہ ہوا، غیر قانونی مقیم افغانوں میں 51فیصد خیبر پختونخوا میں رہائش پزیر ہیں۔اس کے علاوہ خیبر پختونخوا کی 105 مساجد میں افغان مہاجرین بطور پیش امام ہیں۔کمشنرافغان کمشنریٹ عباس خان نے بتایاکہ پاکستان میں 7لاکھ 75ہزار غیرقانونی طور پر مہاجرین داخل ہوئے،ملک بھرمیں 13لاکھ افغان مہاجرین کے پاس پی او آرکارڈہیں