چمن میں باب دوستی گیٹ پر افغان فورسز کی فائرنگ سے 2 پاکستانی شہری شہید جبکہ ایک سکیورٹی اہلکار سمیت 2 افراد زخمی ہو گئے۔
ڈپٹی کمشنر چمن راجہ اطہر عباس کے مطابق بدھ کی شام پاک افغان سرحد زیرو لائن کے قریب باب دوستی گیٹ پر افغان فورسز ، نے پاکستانی علاقے میں بلا اشتعال فائرنگ کر دی ، جس کے نتیجے میں 70 سالہ عبدال محمد اور 14 سالہ لڑکا شہید ہو گئے جبکہ ایک 16 رفیع اللہ اور ایف سی اہلکار محمد عمران زخمی ہوگئے۔
ڈپٹی کمشنر کا کہنا ہے کہ واقعے میں جاں بحق افراد کی لاشیں اور زخمیوں کو ڈی ایچ کیو ہسپتال منتقل کردیا گیا ۔ حکام کے مطابق افغان فورسز کی فائرنگ کے بعد سرحد پر پاکستانی فورسز کو الرٹ کر دیا گیا تاہم فائرنگ کا تبادلہ نہیں ہوا، یکطرفہ فائرنگ کے بعد کچھ دیر کیلئے باب دوستی گیٹ پر پیدل آمد و رفت بند کردی گئی جسے بعد ازاں کھول دیا گیا۔
ڈپٹی کمشنر چمن راجہ کے مطابق سرحد پر سکیورٹی ہائی الرٹ ہے اور فورسز کسی بھی ناخوشگوار واقعے سے نمٹنے کیلئے تیار ہیں۔
