بابر بریانی کیسی تھی؟پاکستانی کپتان کا جواب بھارت میں خوب وائرل

احمد آباد: بھارت میں منعقدہ ورلڈ کیپٹنز ڈے پروگرام کے دوران میزبان کی جانب سے بریانی سے متعلق سوال پر پاکستان ٹیم کے کپتان بابراعظم نے دلچسپ جواب دیا ۔ میزبان روی شاستری نے کپتان سے سوال کیا کہ بابر بریانی کیسی تھی؟ سوال سن کر بابراعظم اپنی ہنسی پر قابو نہ رکھ سکے اور ہنستے ہوئے جواب دیا کہ ”ہم 100 مرتبہ بتا چکے ہیں”۔ بابراعظم نے جواب میں کہا کہ ”بریانی کافی اچھی رہی اور حیدرآباد سے متعلق یہ سن رکھا تھا کہ بریانی اچھی ہے، اس لیے بریانی کھا کھا کر اچھا لگا”۔ بابراعظم کے روی شاستری کو دیئے گئے جواب کوبھارت میں سوشل میڈیا پرخوب پسند کیا جا رہا ہے، بھارت کے نمایاں نشریاتی اداروں اور نیوز ویب سائٹس پربھی اس خبر کواس شہ سرخی کے ساتھ پیش کیاگیا۔۔بابربریانی کیسی تھی؟