دہشت کی علامت مرچو ڈاکو نے پولیس کے سامنے ہتھیار ڈال دیئے

دہشت کی علامت بنے ہوئے ڈاکو نے شکار پولیس پولیس کے سامنے ہتھیار ڈال دیے۔ایس ایس پی شکار پور خالد مصطفی کورائی کے مطابق بدنام زمانہ انعام یافتہ ڈاکو مرچو عرف داناہ ولد سہراب گہرانی جتوئی جرائم کی دنیا کو خیر آباد کہہ کر پولیس کے سامنے گھٹنے ٹیک دیئے ہیں ۔شکارپور کے مختلف تھانوں پر مرچو جتوئی کے خلاف قتل،ڈکیتی اور اغوا سمیت 34 مقدمات درج ہیں۔ڈاکو قتل، اقدام قتل، ڈکیتی، چوری اور پولیس مقابلے سمیت درجنوں سنگین مقدمات میں مطلوب تھا۔ حکومت سندھ نے خطرناک ڈاکو کی زندہ یا مردہ گرفتاری پہ سر کی قیمت 20 لاکھ روپے انعام مقرر کی تھی۔ایس ایس پی شکار پور نے کہا کہ واضع پیغام دینا چاہتا ہوں کہ جرائم پیشہ افراد پولیس کے سامنے پیش ہو جائیں نہیں تو آپ کے خلاف انٹیلیجنس بیسڈ پر ٹارگٹڈ آپریشن کیا جائے گا۔ملزمان پولیس کے سامنے سرینڈر ہو جائیں تو بہتر زندگی گذار سکتے ہیں، ان کے خلاف کوئی بھی مقدمہ درج نہیں ہوگا ان کی ساتھ قانونی معاونت بھی کی جائے گی۔