انسداد دہشتگردی عدالت نے جناح ہاؤس کے قریب گاڑیاں جلانے کے کیس میں پی ٹی آئی کے 5 رہنماؤں کو اشتہاری قرار دے دیا۔
اشتہاری قرار دیئے جانے والے رہنمائوں میں حماد اظہر، میاں اسلم اقبال، حسان نیازی غلام عباس اور علی عباس شامل ہیں، پولیس نے عدالت میں رپورٹ جمع کروائی، عدالت نے پولیس رپورٹ کی روشنی میں ملزمان کو اشتہاری قرار دیا۔
پولیس رپورٹ میں کہا گیا ہے کہ ملزمان گرفتاری کے خوف سے روپوش ہیں، ملزمان کو اشتہاری قرار دیا جاٸے۔
