کراچی(این این آئی) اداکارہ یمنی زیدی نے بہترین اداکارہ کا لکس اسٹائل ایوارڈ جیت لیا۔
کراچی میں منعقدہ لکس سٹائل ایوارڈز کی 22 ویں سالانہ تقریب میں اداکارہ بلال عباس اور ارسلان نصیر کو بہترین اداکار کے ایوارڈ سے نوازا گیا۔
یمنی نے سوشل میڈیا پر اپنے کیریئر میں ملنے والے 4ایوارڈ کے ساتھ تصویر شیئر کرتے ہوئے مداحوں کی محبت کا شکریہ ادا کیا اور لکھا کہ مضبوط بنیں، نڈر بنیں، خوبصورت رہیں، اور بختاور بنیں تو منزل آسان ہوجائیگی۔
ینگسٹ لائف ٹائم اچیومنٹ ایوارڈ 90کی دہائی کی مقبول اداکارہ ریما خان کو دیا گیا جبکہ سینئر اداکارہ اور ڈائرکٹر مرینہ خان نے چینج میکر ایوارڈ کی حق دار قرار پائیں۔
تقریب میں مایا علی اور فرحان سعید نے ایک ساتھ پرفارمنس پیش کی۔
تقریب کی میزبانی کے فرائض فہد مصطفی ، صبا قمر اور احمد علی بٹ نے انجام دئیے۔ لکس سٹائل ایوارڈز کی رنگا رنگ تقریب میں شوبز، فیشن اور اسٹائل انڈسٹری کی مشہورشخصیات نے شرکت کی۔
