انسداد دہشتگردی عدالت لاہور نے پی ٹی آئی کے 5 رہنماؤں کو اشتہاری قرار دے دیا۔
جناح ہاؤس کے قریب گاڑیاں جلانے کے کیس میں اشتہاری قرار دیئے جانے والوں میں حماد اظہر، میاں اسلم اقبال، حسان نیازی، غلام عباس اور علی عباس شامل ہیں۔
سرور روڈ پولیس نے پی ٹی آئی رہنما کو 9 مئی کے فسادات کے دوران جناح ہاؤس کے باہر پولیس کی گاڑیوں کو نذر آتش کرنے کے مقدمے میں نامزد کیا تھا۔
تفتیشی افسر نے عدالت سے استدعا کرتے ہوئے کہا کہ ملزمان گرفتاری کے خوف سے روپوش ہو گئے ہیں،عدالت نے پولیس رپورٹ کی روشنی میں ملزمان کو اشتہاری قرار دے دیا۔
