دی گھوسٹ”حماس کے کمانڈر جن کی کوئی تصویر ہے نہ شناخت

اسرائیل کے خلاف “آپریشن طوفان الاقصیٰ”میں حماس کے عسکری ونگ “القسام بریگیڈ” کے جنرل کمانڈر محمد الضیف اہم کردار ادا کر رہے ہیں۔
محمد الضیف اسرائیلی حلقوں میں”دی گھوسٹ” کے نام سے جانے جاتے ہیںان کا پیدائشی نام محمد دياب إبراهيم المصری ہے ۔ محمد الضیف غزہ کے خان یونس پناہ گزین کیمپ میں 1965 میں پیدا ہوئے ۔2014 میں اسرائیلی فضائی حملے میں محمد الضیف کی اہلیہ، سات ماہ کا شیرخوار بیٹا اور تین سالہ بیٹی جاں بحق ہوگئے تھے ۔جس کے بعد انہوں نے خانہ بدوش زندگی اختیار کرلی ۔1990 میں وہ فلسطینی گروپ حماس کا حصہ بنے اور 2002 میں تنظیم کے لیڈر بن گئے۔اس کے بعد وہ ’الضیف‘ کے نام سے مشہور ہو گئے، جس کا عربی میں مطلب “مہمان” ہوتا ہے۔
اسرائیلی انہیں بھوت یعنی “دی گھوسٹ” اس لئے کہتے ہیں کیونکہ ان کی کوئی حالیہ تصویر موجود نہیں ہے۔
ان کے بارے میں مشہور ہے کہ وہ کبھی کسی بھی مقام پر ایک رات سے زیادہ قیام نہیں کرتے ہیں کبھی تو ایسا ہوتا ہے کہ وہ رات میں دو یا کئی بار اپنی جگہ تبدیل کرلیتے ہیں۔
محمد الضیف 1995 سے اسرائیلی فوج کے انتہائی مطلوب افراد کی فہرست میں شامل ہیں۔محمد الضیف گذشتہ دو دہائیوں کے دوران 7 قاتلانہ حملے ہو چکے ہیں، جن میں محفوظ رہے ۔پہلے قاتلانہ حملے میں وہ ایک آنکھ سے محروم جبکہ دوسرے قاتلانہ حملے میں انکے بازو کا ایک حصہ بیکار ہو گیا تھا ۔اسی وجہ سے اسرائیلی انہیں فلسطین کا سب سے مطلوب شخص اور “نوزندگیوں والی بلی” بھی کہتے ہیں
محمد الضیف وہ ہر قسم کے خطرے میں بچ نکلنے کی بھرپور صلاحیت رکھتے ہیں۔
سات اکتوبر کو ایک آڈیو ریکارڈنگ سامنے آئی، جس میں اسرائیل کے خلاف طوفان الاقصیٰ آپریشن کے آغاز کا اعلان کیا گیا
آڈیو ریکارڈنگ میں اسرائیل کو خبردار کیا گیا ہے کہ اگر اسرائیل نے حماس کے مطالبات تسلیم نہ کئےتو اسے “بھاری قیمت”چکانا پڑے گی۔
اس آڈیو ریکارڈنگ میں آواز محمد الضیف کی بتائی جاتی ہے۔ جس میں انہوں نےکہا کہ ہم نے قبضہ ختم کرانے کیلئے آخری جنگ لرنے کا فیصلہ کر لیا ہے۔
محمد الضیف نے مبینہ طور پر آڈیو میں پاکستان کا ذکر بھی کیا اور پاکستانی عوام پر زور دیا کہ وہ ’فلسطینیوں کے لیے اٹھ کھڑے ہوں اور آپریشن طوفان الاقصیٰ کی حمایت کریں۔