معروف بھارتی اداکار شاہ رخ خان کو قتل کی دھمکیاں ،سکیورٹی بڑھا دی گئی ۔
بھارتی میڈیا رپورٹس کے مطابق شاہ رخ خان کو رواں سال ان کی دو سپر ہٹ فلموں پٹھان اور جوان کے بعد نامعلوم افراد کی جانب سے قتل کے دھمکی آمیز پیغامات مسلسل موصول ہو رہے ہیں۔
دھمکیوں کے پیشِ نظر ریاست مہاراشٹرا کی حکومت نے شاہ رخ خان کو سکیورٹی فراہم کر دی ہے، مہاراشٹرا کا وی آئی پی سکیورٹی یونٹ ہر وقت شاہ رخ کے ساتھ رہے گا، اس سکیورٹی یونٹ میں 6 پرسنل سکیورٹی افسران اور 5 مسلح گارڈز شامل ہیں۔
اس کے علاوہ ممبئی میں شاہ رخ خان کے گھر منت کی سکیورٹی میں اضافہ کر دیا گیا ہے، ممبئی پولیس کے 4 اہلکار دن رات اداکار کے گھر کی حفاظت پر مامور رہیں گے۔
