سائفر کیس:عمران خان پر فردِ جرم عائد کرنے کا حکم چیلنج

تحریکِ انصاف کے سربراہ اور سابق وزیراعظم عمران خان نے سائفر کیس میں خصوصی عدالت کی جانب سے ان پر فرد جرم عائد کرنے کا حکم اسلام آباد ہائی کورٹ میں چیلنج کر دیا۔
چیئرمین پی ٹی آئی نے اپنے وکیل شیر افضل مروت ایڈووکیٹ کے ذریعے دائر کردہ درخواست میں استدعا کی ہے کہ ٹرائل کورٹ کا 9 اکتوبرکا حکم کالعدم قرار دیاجائے ۔ درخواست میں کہا گیا ہے کہ ٹرائل کورٹ نے حکم نامے میں لکھا کہ اس مقدمے کی نقول وصول کر لی گئیں حالانکہ ایسا نہیں ہوا۔
درخواست گزار کا یہ بھی کہنا ہے کہ خصوصی عدالت نے جیل میں سماعت کے خلاف ہائیکورٹ کے فیصلے کا بھی انتظار نہیں کیا۔
خیال رہے کہ سائفر کیس میں خصوصی عدالت نے عمران خان اور شاہ محمود قریشی پر 17 اکتوبر کو فرد جرم عائد کرنے کا حکم دے رکھا ہے