نیب نے ایک ارب ، 37 کروڑ کی کرپشن سکینڈل میں مفرور مرکزی ملزم ذاکر حسین کو گرفتار کر لیا۔
ترجمان نیب لاہور کے مطابق ملزم پر محکمہ مال کے ملازمین کی ملی بھگت سے 250 کنال اراضی اپنے اور بے نامی داروں کے نام منتقلی کا الزام ہے۔ سینکڑوں کنال قیمتی اراضی مشہور ہائوسنگ سوسائٹی کے ساتھ ملحق تھی، ملزم ذاکر حسین محکمہ ریونیو میں تعیناتی کا ناجائز فائدہ اٹھانے اور جعلی کاغذات کی تیاری میں ملوث پایا گیا۔، ملزم جعلی کاغذات کے ذریعے عام شہریوں کی ملکیتی سینکڑوں کنال اراضی ملزم اپنے اور بے نامی داروں کے نام منتقل کرواتا رہا۔
ملزمان جعلی کاغذات کی تیاری میں فراڈ سے جعلی نشان انگوٹھا اور جعلی فرد استعمال کرتے رہے، جعلی کاغذات کے ذریعے ہتھیائی گئی 250کنال اراضی میں سے 170کنال بعد ازاں فروخت کردی گئی۔ نیب تحقیقات میں ملزمان کے نام 80کنال اراضی تاحال موجود ہونے کا انکشاف ہوا ہے۔ نیب حکام ملزم ذاکر حسین کو جسمانی ریمانڈ کے لئے آج کل جمعہ احتساب عدالت کے روبرو پیش کریں گے۔
