عامر خان ’’ستارے زمین پر‘‘ لائیں گے

بالی وڈاداکار عامر خان نے اپنی نئی فلم کا اعلان کردیا۔
عامر خان نے مداحوں کوبتایا کہ ان کے نئے فلمی پروجیکٹ کا نام ’ستارے زمین پر‘ ہوگا۔
اداکار کا کہنا تھا کہ ان کی نئی فلم کا نام ‘ستارے زمین پر ‘ہے اور یہ 2007 میں ریلیز ہونے والی فلم ‘تارے زمین پر ‘ کی تھیم سے ملتی جلتی ہوگی ۔
عامر خان کا کہنا تھا کہ ’تارے زمین پر‘ ایک جذباتی فلم تھی لیکن یہ نئی فلم آپ کو ہنسائے گی، یہ فلم آپ کو تفریح فراہم کرے گی۔
عامر خان کے مطابق ’تارے زمین پر‘ انہوں نے ایک بچے کی زندگی بدلنے میں مدد کی تھی لیکن ’ستارے زمین پر‘ میں اس سے الٹ ہوگا، 9 لڑکے جن کے اپنے مسائل ہیں وہ اداکار کی مدد کریں گے۔