نوشہرہ میں خاتون سے زیادتی کی کوشش کرنے والے شخص کو شہریوں نے پکڑ لیا اور تشدد کا نشانہ بنا ڈالا۔
پولیس نے بتایا ہے کہ واقعہ وادی سون نوشہرہ میں پیش آیا ہے جہاں پر ملزم نے خاتون کو گھر پر اکیلا پا کر مبینہ طور پر زیادتی کی کوشش کی۔
ملزم کی جانب سے زیادتی کی کوشش پر خاتون نے شور مچایا جس پر اہل محلہ اکٹھے ہو گئے اور ملزم کو پہلے تشدد کا نشانہ بنایا اور پھر منہ کالا کر کے گلے میں جوتوں کا ہار پہنایا۔
پولیس نے بتایا کہ ملزم کو تشدد کا نشانہ بنانے کے بعد چھوڑ دیا گیا جبکہ خاتون نے قانونی کارروائی سے بھی انکار کر دیا۔
