’’ وہ دن بھی کیا دن تھے‘‘بھارتی اداکار کام کی تلاش میں مارا مارا پھرنے لگا

بالی وڈ میں اپنی اداکاری کے ذریعے سب کو ہنسانے والی سینئر اداکار ٹیکو تلسانیہ ان دنوں بے روزگار ہیں اور انہیں کام کی تلاش ہے۔
ایک انٹرویو میں سینئر اداکار ٹیکو تلسانیہ نے ماضی کو یاد کرتے ہوئے کہا کہ میں اس وقت بے روزگار ہوں، میں کام کرنا چاہتا ہوں لیکن مجھے صحیح قسم کے کردار نہیں مل رہے۔
بھارتی اداکار کا کہنا تھا کہ میں لوگوں کی کال کا انتظار کررہاہوں، میں لوگوں کواپنے جذبات بھی بتارہا ہوں کہ میں ایک اداکار ہوں اور کام ڈھونڈ رہا ہوں۔۔
واضح رہے کہ اداکار ٹیکو تلسانیہ نے بول رادھا بول، کبھی ہاں کبھی ناں، ہم ہیں راہی پیار کے، بڑے میاں چھوٹے میاں اور دھمال جیسی بالی وڈ کی مشہور فلموں میں کام کیا ہے۔