عابدباکسر کی گرفتاری اور فرار کا مقدمہ سنگین دفعات کے تحت درج

سابق انسپکٹرعابد باکسر کی گرفتاری اور فرار کا مقدمہ دہشت گردی سمیت11 سنگین دفعات کے تحت درج کرلیا گیا۔
پولیس کے مطابق سنگین دفعات کے تحت فیصل ٹاؤن تھانہ میں مقدمہ پولیس کی مدعیت میں درج کیا گیا ہے۔
متن کے مطابق عابد باکسر اشتہاریوں اور بھتہ خوروں کو پناہ دیتا ہے، اشتہاریوں کی گرفتاری کے لیے چھاپہ مارا گیا اور چھاپے کے دوران عابد باکسر اور مسلح گن مین مزاحمت کرتے رہے ۔
ایف آئی آر میں کہا کہ عابد باکسر کو گرفتار کیا گیا، تو ملزم نے کانسٹیبل سے سرکاری رائفل چھین لی، ملزمان نے پولیس اہلکاروں کو منتشر کرنے کے لیے سرعام فائرنگ کی۔
علاقے میں خوف و ہراس پھیلاتے ہوئےعابد باکسر ساتھیوں سمیت فرار ہوگیا، جن میں حمید اللہ اور اسماعیل شامل ہیں۔