اسرائیل سے تعلقات کامنصوبہ ترک، سعودی عرب کاایران سے رابطہ

ریاض( مانیٹرنگ ڈیسک)فلسطین پر اسرائیلی جارحیت کے بعد سعودی عرب نے اسرائیل کے ساتھ تعلقات معمول پر لانے کی ڈیل ختم کرتے ہوئے ایران سے رابطہ کرلیا ہے ۔
عالمی میڈیا کے مطابق اس حوالے سے ریاض میں دو اہم عہدیداروں نے تصدیق کی کہ اسرائیل اور فلسطینی گروپ حماس کے درمیان جنگ بڑھنے کے بعد سعودی خارجہ پالیسی کی ترجیحات پر تیزی سے نظر ثانی کی جارہی ہے۔
خطے میں رونما ہونے والے تازہ تنازع کے بعد سعودی عرب اور ایران کے مابین تعلقات کی نئی فضا ہموار ہوئی ہے۔ سعودی ولی عہد شہزادہ محمد بن سلمان نے پہلا فون ایرانی صدر ابراہیم رئیسی کو کیا کیونکہ ریاض پورے خطے میں تشدد میں اضافے کو روکنے کی کوشش کررہا ہے۔
دونوں ذرائع نے غیرملکی خبررساں ادارے ’’رائٹرز‘‘ کو بتایا کہ اسرائیل کے ساتھ معمول پر آنے کے بارے میں امریکی حمایت یافتہ بات چیت میں تاخیر ہوگی۔
سعودی تجزیہ کارعزیز الغاشیان نے کہا کہ “سعودی عرب اور اسرائیل کے تعلقات معمول پر لانے کا عمل پہلے تنقید کی زد میں تھا لیکن اس صرف نے معاملے کو مزید پیچیدہ بنا دیا ہے