بیٹنگ ، بولنگ امیدوں پر پورا نہیں اتری: بابر اعظم

آئی سی سی کرکٹ ورلڈ کپ کے اہم میچ میں میں بھارت کے ہاتھوں 7 وکٹوں سے شکست کے بعد گفتگوکرتے ہوئے قومی ٹیم کے کپتان بابر اعظم نے کہا ہے کہ شائقین کرکٹ کی امیدوں پرپورا نہیں اتر سکے ، وکٹیں تیزی سے گرنے کی وجہ سے شکست ہوئی۔
اپنے بیان میں انہوں نے کہا کہ کوشش تھی کہ بھارت کو جیت کے لیے 280 یا 290 رنز کا بڑا ہدف دیں تاہم بیٹنگ لائن توقعات کے مطابق پر فارم نہیں کرسکی۔
پاکستان ٹیم کے کپتان نے مایوسی کااظہارکرتے ہوئے کہا کہ مڈل آرڈر مکمل طور پر ناکام رہا اور نئی گیند کے ساتھ ہم نے اچھی بالنگ نہیں کی، کھلاڑی اچھا کھیل پیش نہ کرسکے۔