لاہور( این این آئی) لاہور الیکٹرک سپلائی کمپنی ( لیسکو ) ریجن میں بجلی چوروں کے خلاف 39ویں روز کے آپریشن میں316 کنکشنز بجلی چوری میں ملوث پائے گئے جنہیں منقطع کر کے 313بجلی چوروں کے خلاف ایف آئی آرز کی درخواستیں متعلقہ تھانوں میں دائرکی گئیں،آپریشن کے دوران 28ملزمان کو گرفتار بھی کیا گیا۔
ترجمان لیسکو کے مطابق پکڑے جانے والے کنکشنز میں کمرشل7، زرعی3، انڈسٹریل 3اور303 ڈومیسٹک تھے۔ تمام کنکشنز منقطع کرکے ان کو5لاکھ7ہزار27یونٹس یونٹس ڈٹیکشن بل کی مد میں چارج کئے گئے ہیں جن کی مالیت2کروڑ23لاکھ39ہزار832روپے بنتی ہے۔
شاہدرہ کے علاقے میں کنکشن کو10500یونٹس پر700000 روپے،ستوکتلہ کے علاقے میں کنکشن کو4025 یونٹس پر325800 روپے، منڈی عثمان والا میں 5000 یونٹس پر300000 روپے اورصدر قصور میں ایک کنکشن کو5781یونٹس236000کی رقم چارج کی گئی ہے۔ ترجمان کے مطابق39روز کے آپریشن کے دوران کل5785 ملزمان کو گرفتار کیا گیا۔
مجموعی طور پر18111 کنکشنزبجلی چوری میں ملوث پائے گئے، 17952کنکشنز کے خلاف ایف آئی آر کی درخواستیں جمع کروائی گئیں ۔ترجمان کے مطابق بجلی چوروں کو اب تک3کروڑ72لاکھ45ہزار60یونٹس چارج کئے گئے ہیں جن کی1ارب66کروڑ87لاکھ32ہزار44روپے بنتی ہے۔
