پٹرولیم مصنوعات کی قیمتوں میں کمی کے بعد ملک بھر کے یوٹیلیٹی اسٹورز پر برانڈڈ گھی اور کوکنگ آئل کی قیمتوں میں کمی آ گئی۔
ترجمان یوٹیلیٹی اسٹورز کے مطابق برانڈڈ گھی کی قیمت میں 23 روپے سے 38 روپےکلو تک کی کمی کی گئی ہے ، اسی طرح کوکنگ آئل کی قیمتوں میں 13 روپے سے لیکر 36 روپے فی لیٹر کی کمی کر دی گئی ہے ۔
نوٹیفکیشن کے مطابق برانڈڈ گھی اور کوکنگ آئل کی نئی قیمتوں کا اطلاق فوری طور پر کر دیا گیا ہے۔
ترجمان کے مطابق یہ کمی عام صارفین کی سہولت کیلئے کی گئی ہے۔
