بابر اعظم اورنواز نے بھارتی شہری کو اپنی شرٹ دیدی

پاکستان کرکٹ ٹیم کے کپتان بابر اعظم اور آل راؤنڈر محمد نوازنے بھارتی شہری کی آٹو گراف اور شرٹ کی خواہش پوری کردی
قومی کرکٹ ٹیم نے آئی سی سی ورلڈکپ میں آسٹریلیا کے خلاف میچ کے لئے بنگلور کے چنا سوامی اسٹیڈیم میں آپشنل ٹریننگ سیشن کرہی تھی اس دوران ایک بھارتی شہری پرانوو پاکستانی کرکٹرز سے آٹو گراف لینے چنا سوامی اسٹیڈیم آگیا۔جو محمد نواز اور کپتان بابر اعظم کی شرٹس پر آٹو گراف کا خواہشمند تھا۔
ٹریننگ سیشن مکمل کرنے کے بعد بابر اعظم نے بھارتی شہری پرانوو سے ملاقات کی اور اس کی خواہش پوری کرتے ہوئے شرٹ اور ٹکٹ پر آٹوگراف دیا۔
بعد ازاں محمد نواز نے بھی پرانوو کی خواہش پوری کرتے ہوئے شرٹ پر سائن کیا اور تصویر بنوائی۔