نگران وزیراعلیٰ پنجاب محسن نقوی نے فیصل آباد کا دورہ کیا اور لاری اڈہ پر بھی گئے اور وہاں مسافروں سے بسوں کے کرایوں میں کمی سے متعلق معلوم کیا۔ بعد میں وزیر اعلی مختلف ہول سیل مارکیٹوں میں بھی گئے ۔نگران وزیراعلیٰ پنجاب کی موجودگی میں پولٹری ایسوسی ایشن نے آئندہ دنوں چکن فی کلو250 ہونے کی امید کا اظہار کردی، چکن کی قیمت میں 110 روپے فی کلو کمی کردی ہے، پولٹری ایسوسی ایشن کا کہنا ہے کہ اگر چکن فیڈ بیگ میں 1000روپے کمی آگئی تو چکن 250 روپے فی کلو پر آجائے گا۔
اس موقع پرنگران وزیراعلیٰ پنجاب محسن نقوی نے کہا کہ پیٹرولیم مصنوعات کی قیمت میں کمی کا فائدہ عوام تک پہنچائیں گے،عوام کو مہنگائی میں تھوڑا سا ریلیف ضرور ملے گا، یہ ہم کسی پر احسان نہیں کررہے بلکہ عوام کا حق ہے، آئندہ دنوں میں مہنگائی میں کمی کے حوالے سے مزید اچھی خوشخبریاں ملیں گی۔
چکن کی قیمت میں 110 روپے فی کلوکمی
