چئیرمین پی ٹی آئی کے وکیل شیر افضل مروت کی ہاتھا پائی کی ایک اور ویڈیو سامنے آ گئی ہے۔
سپریم کورٹ کے گیٹ کے باہر شیر افضل مروت کی ایک شہری کیساتھ ہاتھا پائی ہوئی ، ویڈیو میں دیکھا جا سکتا ہے کہ شلوار قمیض میں ملبوس ایک شخص وکیل شیر افضل مروت کے ساتھ گتھم گتھا ہے۔
شہری کو شیرافضل کے علاوہ ایک اور شخص اور ساتھ کھڑا ایک وکیل بھی تھپڑ اور لاتیں مار رہا ہے، اس دوران سکیورٹی اہلکاروں نے مداخلت کرکے بیچ بچاؤ کرا دیا۔
بعد ازاں شیر افضل ایڈووکیٹ نے گفتگو کرتے ہوئے کہا کہ شہری نے مجھے بلاوجہ گالی دی، میں اس شخص کو نہیں جانتا تھا۔ شیر افضل مروت نے مزید بات کرنے سے انکار کرتے ہوئے اسلام آباد ہائیکورٹ روانہ ہو گئے۔
عمران خان کے وکیل شیر افضل مروت کی سپریم کورٹ کے باہر لڑائی ۔۔ موقع پر موجود پولیس اہل کاروں کا کہنا ہے کہ لڑائی پولیس اہل کار سے ہوئی جو سادہ کپڑوں میں تھا @sherafzalmarwat pic.twitter.com/XKHuP3ML37
— Qamber Zaidi (@qamberzaidii) October 19, 2023
