سیکیورٹی فورسز نے خیبرپختونخوا کے ضلع لکی مروت میں کارروائی کے دوران فائرنگ کے تبادلے کے دوران 4 دہشت گردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر ضلع لکی مروت کے علاقے سیمو وانڈا میں کارروائی کی جس کے دوران پاک فوج کے اہلکاروں اور دہشت گردوں کے درمیان شدید فائرنگ کا تبادلہ ہوا اور اس کے نتیجے میں 4 دہشت گرد ہلاک ہوگئے۔
آئی ایس پی آر کے مطابق فائرنگ کے دوران ایک دہشت گرد زخمی بھی ہوا، جسے سیکیورٹی اہلکاروں نے گرفتار کرلیا۔
آئی ایس پی آر کا کہنا تھا کہ ہلاک اور زخمی دہشت گرد سیکیورٹی فورسز کے خلاف دہشت گردی کی کارروائیوں اور بے گناہ شہریوں کی ٹارگٹ کلنگ کے واقعات میں ملوث تھے۔
لکی مروت میں سکیورٹی فورسز کاآپریشن،4 دہشت گردہلاک
