بابر اعظم کی افغان کرکٹر کو تسمے باندھنے سے روکنے کی ویڈیو وائرل

افغانستان کے خلاف پاکستان کی بیٹنگ جاری تھی کہ اس دوران کریز پر موجود پاکستانی کپتان بابر اعظم کے جوتے کا تسما کھل گیا۔ابر کے جوتے کا تسما کھلا دیکھ کر افغان ٹیم کے سینیئر کھلاڑی محمد نبی بابر کے پاس آئے اور ان کا تسما باندھنے کے لیے جھکنے لگے۔
تاہم بابراعظم نے سینیئر کھلاڑی کا احترام کرتے ہوئے محمد نبی کو ان کے جوتوں کو ہاتھ لگانے سے منع کر دیا اور خود تسما باندھا۔میچ کے ان لمحات کو کیمرے کی آنکھ نے قید کرلیا اور ویڈیو سوشل میڈیا پر وائرل ہوگئی، جس پر صارفین نے بابراعظم کے اس عمل کی کھل کر تعریف کی۔