انسداد دہشتگردی عدالت لاہور نے جناح ہاؤس حملہ کیس میں 18 ملزمان کی ضمانتیں منظور جبکہ 7 ملزمان کی ضمانتیں خارج کردیں ۔
انسداد دہشتگردی عدالت کے جج ارشد جاوید نے ضمانت کی درخواستوں پر فیصلہ سنایا ، عدالت نے ملزمان محمد محسن ، زین العابدین ، ملک حیدر علی ، فیاض انور ، عبدالقیوم ،محمد علی قریشی اور افضال بھٹی کی ضمانتیں خارج کردیں جبکہ ملزمان شہباز ، لطیف ، محمد وسیم ،مختیار شاہ ، فرزانہ سرور ، مجتبیٰ ، محمد بلال ، شاکراللہ ودیگر کی ضمانتیں منظور کرلی گئیں۔
علاوہ ازیں عدالت نے 82 ملزمان کی ضمانتوں پر سماعت یکم نومبر تک ملتوی کر دی، خیال رہے کہ ملزمان کے خلاف تھانہ سرور روڈ میں مقدمہ 96/23 درج ہے۔
