30فیصد پاکستانیوں نے ملکی معاشی بحران کے حل کیلئے سابق وزیر اعظم نواز شریف سے امیدیں باندھ لیں۔
22 فیصد نے پاکستان تحریک انصاف کےچیئرمین کو واحد امید کہا۔
تفصیلات کے مطابق گیلپ پاکستان نے اسنیپ پول جاری کر دیا جس میں 30 فیصد مایوس نظر آئے اور کہا کہ معاشی بحران کوئی حل نہیں کر سکتا۔
سنیپ پول کے مطابق نواز شریف کی مینار پاکستان پر تقریر بھی 34 فیصد پاکستانیوں نے سنی، 80 فیصد نے تقریر کی تعریف کی، 50 فیصد پاکستانیوں نے نواز شریف کی وطن واپسی کو ملکی مستقبل کیلیے بہتر قرار دیا۔
51فیصد نے ن لیگ کیلئے آئندہ عام انتخابات میں جیتنے میں بھی مددگار ثابت ہونے کا کہا، 70 فیصد مفاہمت کے بھی حامی نظر آئے۔
ملکی ترقی کے لیے نواز شریف کو چیئرمین پی ٹی آئی سمیت تمام سیاسی رہنمائوں کے ساتھ مل کرکام کرنے کا مشورہ دیا ہے۔
