برطانیہ نے پاکستان میں مقیم غیر قانونی افغان مہاجرین کو پناہ دینے کااعلان کر دیا

برطانیہ نے پاکستان میں مقیم غیرقانونی افغان مہاجرین کوپناہ دینے کااعلان کردیا۔
برطانوی حکومت نے پاکستان میں غیر قانونی طور پر مقیم افغان شہریوں کو اپنے ملک میں پناہ دینے کا فیصلہ کیا ہے جس کے لیے مخصوص تعداد کو خصوصی پروازوں کے ذریعے افغان باشندوں کو لندن منتقل کیا جائے گا۔
اسلام آباد میں تعینات برطانوی ہائی کمشنر نے منگل کے روز سول ایوی ایشن اتھارٹی کی اعلیٰ قیادت سے ملاقات کی اور افغان شہریوں کو برطانیہ منتقل کرنے کے حوالے سے خصوصی پروازیں چلانے پر تبادلہ خیال کیا۔
سول ایویشن کے وفد کی قیادت ڈائریکٹر سیکیورٹی ایئرکموڈور (ر) شاہد قادر نے کی جبکہ برطانوی ہائی کمشنر کے وفد کی قیادت سیاسی قونصلر نے کی۔
اجلاس میں فیصلہ کیا گیا ہے کہ افغان پناہ گزینوں کی برطانیہ منتقلی کیلیے آئندہ ہفتے سے دسمبر کے اختتام تک 12 پروازیں چلائی جائیں گی اورپناہ گزینوں کی ایک مخصوص تعداد کو پاکستان سے لندن لے جایا جائے گا۔