ضلع خیبر میں چیک پوسٹ پر خودکش دھماکے میں 3 اہل کار زخمی ہو گئے ہیں۔
پولیس کے مطابق ضلع خیبر کی وادیٔ تیراہ میں قوم اکاخیل سروزئے چیک پوسٹ پر خودکش دھماکے میں زخمی ہونے والے 3 اہل کاروں کو قریبی ہسپتال منتقل کردیا گیا ہے۔
ایس ایچ او تھانہ تیراہ کے مطابق خودکش حملہ آور نے بارود سے بھری کار کو چیک پوسٹ سے ٹکرا دیا، جس کے نتیجے میں 3 اہل کار زخمی ہوئے، جنہیں طبی امداد کے لیے قریبی ہسپتال منتقل کیا گیا ہے۔
خودکش دھماکے میں فورسز کے 3 جوان صوبیدار محمد اسرار، سپاہی افتخار اور سپاہی شفیق نارول زخمی ہوئے ۔
