اسرائیل کا وجود دنیا کے لئے سکیورٹی رسک ہے، بلاول بھٹو کافلسطینی سفارتخانے کا دورہ

اسلام آباد: پاکستان پیپلزپارٹی کے چیئرمین بلاول بھٹو زرداری نے کہاہے کہ اسرائیل کا وجود دنیا کے لئے سکیورٹی رسک ہے۔
چیئرمین پیپلزپارٹی نے بدھ کے روزفلسطینی سفارتخانے کادورہ کیا اورغزہ کی صورت حال پر تشویش کااظہار کرتے ہوئے فلسطینی سفیر سے اظہار یکجہتی کیا۔
بلاول بھٹو نے کہا کہ پاکستان اس کٹھن وقت میں فلسطین کے عوام کے ساتھ کھڑا ہے۔ انہوں نے کہا کہ پاکستان پیپلزپارٹی کی قیادت نے فلسطینی قیادت کے ساتھ مل کر پوری دنیا میں فلسطین کا مقدمہ لڑا۔ یاسر عرفات نے فلسطین کاز کے لئے جدوجہد کرنے والے شہید ذوالفقار علی بھٹو کو گڑھی خدا بخش پہنچ کر خراج عقیدت پیش کیا۔
انہوں نے کہا کہ اسرائیلی حملوں میں سینکڑوں فلسطینی بچوں کی شہادت انسانیت کے ماتھے پر ایک بدنما داغ ہے۔ اسرائیل نے ہسپتال پر بمباری کرکے یہ ثابت کردیا کہ اس کا وجود دنیا کے لئے ایک سیکیورٹی رسک ہے۔ بلاول نے مطالبہ کیا کہ اسرائیلی جارحیت کو روکنے کے لئے عالمی برادری اپنا کردار ادا کرے۔
دورے کے موقع پرفلسطینی سفیراحمد جواد نے بلاول بھٹو کو فلسطینی مزاحمت کا علامتی رومال پہنایا،بلاول نے فلسطینی سفارت خانے میں مہمانوں کی کتاب میں اپنے تاثرات بھی قلمبند کئے۔
بلاول بھٹو زرداری کے ہمراہ پیپلزپارٹی کی سینئر نائب صدر سینیٹر شیری رحمان اور سابق وزیراعلی سندھ سید مراد علی شاہ بھی موجود تھے ۔