اسلام آباد ہائیکورٹ کے جسٹس بابر ستار نے کہا ہے کہ طویل مدت کے لیے حکم امتناع عدالتی نظام کی نااہلی کو ظاہر کرتا ہے۔
اسلام آباد میں تقریب سے خطاب کرتے ہوئے بابر ستار نے کہا کہ حکم امتناع کی وجہ سے ٹیکس اور دیگر مالیاتی معاملات التوا کا شکار ہو جاتے ہیں ،عدالتوں کے سامنے کھربوں روپے کے ٹیکس کے دعوے اور دیگر مالیاتی کیس پھنسے ہوئے ہیں، مقدمات کا منیجمنٹ سسٹم اس طرح استعمال ہونا چاہیے کہ زیرالتوا کیسوں پر تیز رفتاری سے فیصلے ہو سکیں۔
انہوں نے کہ بجائے اس کے کہ عدلیہ کو دیگر اداروں کے معاملات میں گھسیٹا جائے، مخصوص معاملات کو بہتر گورننس کے ذریعے انتظامی سطح پر حل کیا جا سکتا ہے۔
