متحدہ عرب امارات نے غزہ میں جنگ بندی کے لئے کوششیں شروع کردیں،سلامتی کونسل کا ہنگامی اجلاس بلانے کی درخواست دے دی ۔
متحدہ عرب امارات نے سلامتی کونسل کا ہنگامی اجلاس بلانے کے لئے اپنی درخواست میں مؤقف اپنایا ہے کہ انڈر سیکرٹری جنرل برائے انسانی اموراور ہنگامی امداد کے کوآرڈی نیٹر اور اقوام متحدہ کی ریلیف اینڈ ورک ایجنسی برائے فلسطینی پناہ گزین کی بریفنگ سنی جائے۔
امریکی ٹی وی سی این این کے مطابق متحدہ عرب امارات کی درخواست پرسلامتی کونسل کا ہنگامی اجلاس آج کسی وقت منعقد ہو سکتا ہے جس میں امارات فوری جنگ بندی کی قرارداد بھی لاسکتا ہے۔
دوسری طرف اماراتی وزارت خارجہ نے اسرائیل کی برّی فوج کی درجنوں ٹینکوں کے ہمراہ غزہ کی جانب پیش قدمی کی مذمت کرتے ہوئے کہا ہے کہ اس اقدام سے غزہ میں انسانی بحران میں اضافہ ہوگا۔
