اسرائیلی جارحیت اور مظالم کے خلاف حماس کا طوفان الاقصیٰ چوتھے روز تک صورت حال اتنی نازک ہو چکی ہے کہ اسرائیل کی داخلی سیاست میں بھی بے چینی دیکھی جانے لگی ہے۔ وزیراعظم نیتن یاہو کی حکومت ڈولنے لگی ہے اور قومی حکومت کے قیام کے مطالبات زور پکڑنے لگے ہیں
اسرائیلی میڈیا رپورٹس کے مطابق اسرائیل کی حکمران اور اپوزیشن جماعتوں کی جانب سے وزیر اعظم بن یامین نیتن یاہو کی پالیسیوں پر تشویش کا اظہار کیا جا رہا ہے، خود اسرائیلی وزیر انصاف یاریف لاوین نے ہنگامی طور پر نئی قومی حکومت کا مطالبہ کر دیا ہے۔
دوسری جانب اپوزیشن جماعتوں کا کہنا ہے کہ نئی قومی حکومت یا جنگی کابینہ معتدل مزاج سیاسی رہنماؤں پر مشتمل ہو اور اس میں شدت پسند رہنماؤں کو شامل نہ کیا جائے۔ قومی سلامتی کے وزیر اتمار بین گویر نے بھی موجودہ کابینہ پر جنگی کابینہ کی تشکیل پر اعتراض کر دیا ہے ۔تاہم وزیر اعظم نیتن یاہو نے اپوزیشن کے ایسے کسی بھی مطالبے کو رد کر دیا ہے، ان کا کہنا ہے کہ جنگی کابینہ تشکیل دی جا سکتی ہے لیکن اپوزیشن کی شرائط پر نہیں

اقوام متحدہ میں ایران کے مشن نے اسرائیلی دھمکیوں پر ردعمل کا اظہار کرتے ہوئے خبردار کیا ہے کہ اگر اسرائیل نے کسی بھی قسم کی احمقانہ کارروائی کی تو اس کا منہ توڑ اور تباہ کن جواب دیں گے۔
ادھر ایران کے سپریم لیڈر آیت اللہ خامنہ ای نے کہا ہے کہ اسرائیل پر حماس کے حملے میں ایران ملوث نہیں، ٹی وی پر خطاب میں ایران کے سپریم لیڈر نے اسرائیل پر حماس کے حملے کو سراہتے ہوئے کہا کہ جس نے صیہونی ریاست پر حملہ کیا ہم ان کے ہاتھ چومتے ہیں۔
انہوں نے کہا کہ اسرائیل پر حماس کے حملے میں ایران ملوث نہیں تاہم اسرائیل پر یہ حملہ اس کی فوج اور انٹیلی جنس کے لیے ناقابل تلافی شکست ہے۔ حماس کے تباہ کن حملے نے اسرائیل کے اہم انفرا اسٹرکچر کو تباہ کر دیا ہے جس کی تلافی اتنی آسان نہیں۔ سپریم لیڈر نے اسرائیل کو ہی اس کی اپنی تباہی کا ذمہ دار قرار دیا۔

برطانیہ میں تعینات فلسطینی سفارتکار نے بی بی سی انٹرویو میںحماس کے حملے سے متعلق سوال کو بالکل غلط اور فضول قرار دیدیا۔ قرار دے دیا۔
لندن میں تعینات فلسطینی سفارتکار حسام زملط نےابی بی سی کو انٹرویو میں کہا کہ فلسطینیوں پر 75 سال سے ظلم ہو رہا ہے، غزہ میں روز تشدد ہوتا ہے لیکن کبھی اس توجہ نہیں دی گئی۔
حسام زملط نے کہا کہ جب حماس کی جانب سے اسرائیل پر حملہ ہوا تو ہمیں مذمت کے لیے بلا لیا گیا، میں پوچھتا ہوں کہ کتنی بار اسرائیلی رہنماؤں سے جنگی جرائم پر مذمت کرائی گئی؟
انھوں نے کہا کہ اس مسئلے کو روکنے کا واحد حل یہ ہے کہ سب کے لئے یکساں قوانین رکھے جائیں۔جب میزبان نےان سےحماسکے حملےکی حمایت کے بارے میں پوچھا تو انھوں نے جواب دیا کہ یہ درست سوال نہیں ہے، میزبان نے کہا یہ اہم سوال ہے، زملط نے کہایہ بالکل بھی اہم سوال نہیں کیونکہ حماس تو ایک مزاحمتی گروپ ہےاور میں یہاں اپنے لوگوں، فلسطینی لوگوں کی نمائندگی کر رہا ہوں، اگر کسی نے کسی کی مذمت کرنی ہے تو شہریوں پر بمباری کی مذمت ہونی چاہئے، حماس فلسطینی حکومت نہیں ہےاور اسرائیل ایک منظم فوج رکھتی ہےآپ قابض اور مقبوض کو مساوی نہ بنائیں۔
میزبان نے پھر سوال کیا کہ کیا سویلیئنز کو مارنے پر حماس کی بھی مذمت کرتے ہیں؟ سفارتکار زملط نے کہا کہ آپ نے کتنی مرتبہ اسرائیلی حکام سے اس پر انٹرویو کیا ہے؟اور کتنی بار آپ نے اسرائیلی جنگی جرائم کی لائیو کوریج کی ہے؟ کیا آپ نے ان سے خود کی مذمت کرنے کا سوال کیا ہے؟
انھوں نے کہا آپ کو پتا ہے کہ میں اس سوال کا جواب دینے سے کیوں انکار کر رہا ہوں، کیوں کہ ہمیشہ فلسطینیوں سے توقع کی جاتی ہے کہ وہ خود کی مذمت کریں۔ یہ سیاسی تنازع ہے، ایک عرصے سے ہمیشہ ہمارے حقوق کا انکار کیا گیا ہے، اس لئے درست آغاز یہ ہے کہ مسئلے کو جڑوں سے دیکھا جائے۔
اسرائیلی فوج جنگ کے آداب بھی بھول گئی ہے، جنگی جنون میں مبتلا صہیونی فورسزغزہ میں خواتین، برزگ اور بچوں کو نشانہ بنا رہی ہیں، اسکولوں، ہسپتال اور ایمبولنس پر حملے کر رہی ہے، زخمیوں کو طبی امداد دینا بھی مشکل ہو گیا ہے، فلسطین کےہسپتال زخمیوں سے بھرے ہیں اور وحشیانہ اسرائیلی کارروائی میں ایک لاکھ فلسطینی بے گھر ہو چکے ہیں، اسرائیلی بربریت دیکھ کر ایک فلسطینی صحافی بھی رو دیا، سوشل میڈیا پر فلسطینی بچوں کی تصاویر دل دہلا رہی ہیں، ان کی آنکھوں کی چمک ظالموں کو اپنے حق پر ہونے کا پیغام دے رہی ہے۔ اور یہاں بیٹھ کر آپ کہہ رہے ہیں کہ میں اپنے لوگوں کی مزمت کروں؟ کیوں؟ فلسطینی سفیر کی مدلل گفتگو پر بی بی سی میزبان دم سادھے ان کی گفتگو سنتا رہا اس کے پاس سفیر کے اٹھائے گئے سوالوں کا کوئی جواب نہیں تھا