پاکستان مسلم لیگ ن کی چیف آرگنائزر مریم نواز نے کہا ہے کہ ’نواز شریف سے سب کچھ چھیننے والے عبرت کا نشان بنے ہوئے ہیں۔
لاہورمیں مسلم لیگ ن کے کارکنوں سے خطاب کرتے ہوئے مریم نواز کاکہناتھا کہ نوازشریف کوجب بھی نکالا گیا تو وہ زیادہ طاقتور ہو کرواپس آئے۔
مریم نوازکاشاہدرہ میں خطاب کے دوران کہناتھا کہ وہ 21 اکتوبر کو نواز شریف کی لندن سے وطن واپسی سے پہلے مختلف جگہوں پر جلسے کر کے لوگوں کو مینارِ پاکستان آنے کی دعوت دینا چاہتی ہیں۔

The show time has begun in Shahdara!
Maryam Nawaz Sharif, the public leader is again with public. Together we are ready to receive our Quaid Mian Nawaz Sharif on 21st October 🫶🎊✈️#نواز_تیرے_جانثار pic.twitter.com/y1MtE5MYSD

— PML-N Team (@PMLNTeamPK) October 1, 2023

اپنے خطاب میں مریم نواز نے کسی کانام لئے بغیر کہا کہ جن افراد کا نواز شریف کو نکالنے میں کردار تھا وہ آج کہیں دکھائی نہیں دے رہے اور تاریخ کے کوڑے دان میں پڑے ہیں کیونکہ نواز شریف نے اپنا معاملہ اللہ پر چھوڑ دیا تھا۔ مریم نے پی ٹی آئی کی جانب اشارہ کرتے ہوئے کہا کہ ’ان کے لیڈر پر مشکل آئی نہیں اور ان کی جماعت کے ٹکڑے ٹکڑے ہو گئے۔
مریم نوازکاکہناتھا کہ نواز شریف نے سیاسی انتقام تو سہا، جھوٹے مقدمات بھی سہے، جھوٹی سازش بھی سہی، جیلیں بھی سہیں، سزا بھی سہی ، نواز شریف نے جو ذاتی نقصانات اپنے سینے پر برداشت کیے ان کا نہ کوئی اندازہ کرسکتاہے نہ ازالہ کر سکتاہے۔
’آج جب 21 اکتوبر کو نواز شریف رائیونڈ گھر واپس جائے گا تو اس کا استقبال کرنے کے لیے اس کی بیوی اور میری ماں موجود نہیں ہو گی۔ اس کو دعا دینے والی ماں موجود نہیں ہو گی۔ یہ زخم جو اس نے سینے پر کھائے ہیں وہ پوری زندگی نہیں بھر سکتے لیکن نواز شریف واپس ملک اور عوام کے لیے آ رہا ہے
مریم نواز نے کہا کہ 21 اکتوبر کو مہنگائی، بیروزگاری اور دہشتگردی کا خاتمہ کرنیوالا اور پاکستان کے سینے پر لگے زخموں پر مرہم رکھنے والا نواز شریف واپس آرہا ہے ‘
انھوں نے دعویٰ کیا کہ 21 اکتوبر کو دراصل پاکستان سستے بجلی، گیس اور پیٹرول کی بھی واپسی ہو گی

زلزلہ پیما ریسرچ انسٹیٹیوٹ سولر سسٹم جیومیٹری سروے (ایس ایس جی ایس) نے پاکستان میں خطرناک زلزلے کی پیش گوئی کردی۔
زلزلہ پیما ریسرچ انسٹیٹیوٹ سولر سسٹم جیومیٹری سروے (ایس ایس جی ایس) نے بتایا ہے کہ بلوچستان میں زیرِ زمین چمن فالٹ لائن میں تیز لرزش ریکارڈ کی گئی ہے اور اس علاقے میں اگلے دو دن میں کوئی طاقتور زلزلہ آ سکتا ہے جس کی شدت پر 6 یا اُس سے زیادہ ہو سکتی ہے۔
ایس ایس جی ایس کے مطابق سطح سمندر کے قریب فضا میں برقی چارج کے اتار چڑھاؤ کو ریکارڈ کیا گیا ہے جس کی وجہ سے آئندہ چند روز میں طاقتور زلزلہ آ سکتا ہے۔
ایس ایس جی ایس کے مطابق واضح کردہ علاقے صرف ایک تخمینہ ہیں اور درست مقامات کا تعین کرنے کا فی الحال کوئی قابل اعتماد طریقہ نہیں ہے۔
ایس ایس جی ایس نے چمن فالٹ لائن کو انتہائی طاقتور ممکنہ زلزلہ کا ریجن قرار دیا ہے۔
پاکستان میں جنوبی ایشیا کی سب سے بڑی فالٹ لائن ہے جسے چمن فالٹ سسٹم کہا جاتا ہے، یہ 900 کلومیٹر طویل ہے اور اسی فالٹ سسٹم پر 31 مئی 1935 کی دوپہر کو کوئٹہ میں ہولناک زلزلہ آیا اور کئی ہزار افرادجاں بحق ہوگئے تھے۔
اس فالٹ لائن میں افغانستان اور پاکستان کے علاقے آتے ہیں۔
خیال رہے کہ رواں سال ریسرچ انسٹیٹیوٹ سولر سسٹم جیومیٹری سروے کے سربراہ فرینک ہوگر بیٹس نے 3 فروری کو ایک ٹوئٹ کی تھی اور بتایا تھا کہ جلد یا بدیر جنوبی وسطی ترکیہ، اردن، شام اور لبنان میں 7 اعشاریہ 5 شدت کا زلزلہ آئے گا، ان کی زلزلے سے متعلق پیشگوئی 3 روز بعد ہی سچ ثابت ہوئی تھی۔
ترکیہ اور شام میں 6 فروری کو شدید ترین زلزلہ آیا تھا جس میں ہزاروں افراد ہلاک اور لاکھوں زخمی ہوئے تھے۔

بلوچستان کے نگران وزیراطلاعات جان محمد اچکزئی نے کہا ہے کہ مستونگ میں 12ربیع الاوّل کے جلوس میں دھماکہ کرنے والے حملہ آور کی عمر 17سے18سال کے درمیان تھی۔
کوئٹہ میں ایک پریس کانفرنس سے خطاب کرتے ہوئے نگران وزیر اطلاعات جان اچکزئی نے 12ربیع الاوّل کے جلوس کے تحفظ کے لیے سکیورٹی کے مناسب انتظامات نہ کرنے کے دعوے مسترد کر دیئے۔
انھوں نے بتایا کہ مستونگ میں جلوس کے تحفظ کے لیے پولیس کے 125 اہلکار تعینات تھے اوردھماکے میں شہید ہونے والے ڈی ایس پی جلوس کی سکیورٹی کو لیڈ کررہے تھے۔
جان محمد اچکزئی نے دہشت گردی کے خاتمے کے لیے فوج کے سربراہ جنرل عاصم منیرکے اعلان اورغیرملکیوں کو واپس بھیجنے کے وفاقی حکومت کے اعلان کا خیرمقدم کیا۔
ان کا کہنا تھا کہ وفاقی اپیکس کمیٹی کا اجلاس تین اکتوبر جبکہ بلوچستان کے اپیکس کمیٹی کا اجلاس 10اکتوبرکو ہوگا جس میں آرمی چیف شرکت کریں گے۔
انھوں نے بتایا کہ ’ان اجلاسوں میں ملک سے دہشت گردی کے خاتمے کے لیے اہم فیصلے کیے جائیں گے اوردہشت گردوں اوران ماسٹر مائنڈزکوان کے بلوں سے نکال کرمارا جائے گا،جان اچکزئی کاکہناتھا کہ حالیہ حملوں کاماسٹرمائنڈ ایک ہے، بہت ہوگیااب کوئی رعایت نہیں ہوگی ،ہم نے دہشت گردوں کے خلاف اعلان جنگ کردیا، ان کامزیدکہناتھا کہ بھارت بلوچستان میں دہشتگردی کے لئے پڑوسی ملک افغانستان کی سرزمین استعمال کرتارہا۔‘
انھوں نے بلوچستان حکومت کی جانب سے مستونگ بم دھماکے میں شہید اورزخمی ہونے والے افراد کے لیے معاوضے کا اعلان کیا ہے۔ انھوں نے کہا کہ شہیدہونے والے ہرفرد کے لواحقین کو پندرہ پندرہ لاکھ روپے، شدید زخمی افراد کو پانچ پانچ لاکھ روپے جبکہ معمولی زخمی افراد کو دو دولاکھ روپے دیئے جائیں گے ۔
ان کا کہنا تھا کہ ’بلوچستان سے ڈالرکی سمگلنگ کو روکنے کے لیے اقدامات کو سخت کرنے کے علاوہ ایرانی تیل کی سمگلنگ کے روکنے کے لیے اقدامات مزید سخت کیے جائیں گے کیونکہ سمگلنگ سے حاصل ہونے والی آمدنی دہشت گردی کے لیے استعمال ہورہی ہے‘۔

سعودی عرب اور پاکستان نے ڈیجیٹل اکانومی کوفروغ دینے کے معاہدے پردستخط کردیئے ۔
سعودی دارالحکومت ریاض میں نگران وفاقی وزیر برائے انفارمیشن ٹیکنالوجی عمر سیف کی سعودی عرب کے انجینئرعبداللہ عامر السواحہ کے ساتھ اہم ملاقات ہوئی جس میں پاکستانی سفیر احمد فاروق اور پاک سعودی حکام کے علاوہ آئی ٹی ماہرین شریک تھے۔

سعودی عرب اور پاکستان کے درمیان انفارمیشن ٹیکنالوجی کے شعبے میں دو طرفہ تعاون کی یاداشت پر دستخط کر دئیے گئے.
سعودی دارالحکومت ریاض میں نگران وفاقی وزیر عمر سیف اور انجینیئرعبداللہ عامر السواحہ کے درمیان ملاقات ہوئی جس میں پاکستانی سفیر احمد فاروق اور پاک سعودی حکام کے علاوہ آئی… pic.twitter.com/9hQdR6TZWC

— PTV News (@PTVNewsOfficial) October 1, 2023

ملاقات کے بعد دو طرفہ باہمی ایم او یو پر دستخط کیے گئے جس میں اس بات پر اتفاق کیا گیا کہ پاکستان اور سعودی عرب انفارمیشن ٹیکنالوجی کے شعبے میں ملکر کام کریں گے اور سرکاری سطح کے علاوہ پرائیویٹ سیکٹر کو فروغ دیں گے ۔معاہدے میں ڈیجیٹل اکانومی کا دو طرفہ معاہدہ بھی شامل ہے.

اسلام آباد(مانیٹرنگ ڈیسک)پاکستان تحریک انصاف کے چیئرمین عمران خان کی ضمانت کی 9درخواستوں پر فیصلہ آج سنایا جائے گا۔
اسلام آباد ہائیکورٹ نے محفوظ شدہ فیصلہ سنانے کی کاز لسٹ جاری کر دی ہے، چیف جسٹس عامر فاروق اور جسٹس طارق محمود جہانگیری فیصلہ سنائیں گے۔
سیشن کورٹ اور انسداد دہشت گردی عدالت نے عدم پیروی پرضمانت کی درخواستیں خارج کی تھیں ۔ چیئرمین پی ٹی آئی کی جانب سے اسلام آباد ہائی کورٹ میں دائر درخواست میں مؤقف اختیار کیا گیا تھا کہ 9 ضمانت کی درخواستیں متعلقہ عدالتوں میں زیر التوا سمجھی جائیں اورحتمی فیصلے تک گرفتاری سے روکا جائے ۔
عمران خان نے جن مقدمات میں گرفتاری سے روکنے کی استدعا کر رکھی ہے ان میں 9 مئی کے مقدمات،اسلام آباد میں احتجاج کے مقدمات ، توشہ خانہ کیس بھی شامل ہے۔

میانوالی: میانوالی میں پولیس مقابلے میں ہلاک دونوں دہشت گردوں کی شناخت ہو گئی۔

خبررساں ادارے این این آئی نے کائونٹرٹیررازم ڈیپارٹمنٹ(سی ٹی ڈی) کے حوالے سے رپورٹ کیا ہے کہ ہلاک دہشت گردوں کی شناخت زبیر نواز اور محمد خان کے ناموں سے ہوئی ہے۔ زبیر نواز کا تعلق کالعدم ٹی ٹی پی کے ٹیپو گروپ سے تھا جو لکی مروت کے ٹی ٹی پی امیر ارشد نواز کا بھائی تھا، زبیر نواز پنجاب میں فرقہ وارانہ قتل، بھتہ خوری اور سنگین جرائم میں مطلوب تھا۔

دوسرے دہشت گرد محمد خان کا تعلق بھی کالعدم ٹی ٹی پی کے ٹیپو گروپ سے تھا۔ دونوں دہشتگردوں کی شناخت انٹیلی جنس ایجنسیوں اور جدید سافٹ وئیرز کی مدد سے ہوئی۔